كبسولة رأي خاص
أورد تلفزيون الحدث خبراً عاجلاً على النحو الآتي:
البرهان : قوش غادر السودان بدون موافقتنا!!
والله خبر زي ده بي جردل موية ما ينبلع!!!
طيب قوش ده مش كان تحت الاقامة الجبرية الفرضا عليهو المجلس العسكري بتاعكم يا برهان؟! طيب قوش الجن ده كيف كسر الاقامة الجبرية وطلع منها زي الشعرة من العجين؟!!
ياخي خلاص ما فيها حاجة الولد طلع من بيت ابوه بدون موافقتو وبكره حايرجع بالسلامة وجزاكم الله خيراً على الشفافية وتمليك الحقائق لجماهير الشعب السوداني!!

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.